Praevasi Polisi

August 2025

Website blong Network Equity i blong Network Equity, mo hem i data controller blong ol infomesen blong yu we i praevet.

Mifala i mekem polisi ia blong Praevasi, blong talem klia olsem wanem mifala i save yusum ol infomesen we Network Equity i kolektem, mo from wanem mifala i mas kolektem ol praevet infomesen blong yu. From ia, i gud yu ridim polisi ia fastaem bifo yu yusum website blong Network Equity.

Mifala i lukaot gud long ol praevet infomesen blong yu, mo mifala i promis blong holem sekrensi mo sefti blong hem.

Ol praevet infomesen we mifala i save kolektem:

Taem yu visitim website blong Network Equity, mifala i save kolektem sam infomesen stret long divaes blong yu. Hem i save includem:

• web browser we yu yusum

• IP adres

• taem zon

• sam cookies we i stap long divaes blong yu.

Taem yu stap yusum website, mifala i save kolektem infomesen olsem:

• wanem pej o prodak yu lukluk,

• wanem website o search we i sendem yu i kam,

• olsem wanem yu yusum website.

Mifala i kolem infomesen ia olsem “Device Information.”

Mo tu, sipos yu mekem rijistresen long website, mifala i save kolektem ol infomesen blong yu we yu givim stret (olsem nem, famili nem, adres, infomesen blong pem, mo ol narafala samting) blong mifala i save fulumap agrimen we yu mekem wetem mifala.

From wanem mifala i save yusum data blong yu?

Bigfala tingting blong mifala hem i sefti blong data blong kastoma. From ia, mifala i save yusum nomo smol infomesen, we i nid blong wok blong website ia.

Ol infomesen we mifala i kolektem stret i blong help blong faenem sipos i gat abuse, mo blong mekem statistik long hao ol man i yusum website. Statistik ia bae i no save soem stret wanwan man we i yusum system.

Yu save visitim website ia wetem no talem hu yu, mo wetem no givim infomesen we i soemaot stret yu wan. Be sipos yu wantem yusum sam feja blong website, o yu wantem kasem newsletter, o givim narafala infomesen long mifala, bae yu mas givim infomesen olsem: email, nem, famili nem, taon we yu stap, oganaesesen, o namba blong fon.

Sipos yu no wantem givim infomesen ia, bae yu no save yusum fulap feja blong website ia. Eksampol, yu no save kasem newsletter blong mifala o kontactem mifala stret long website. Sapos yu no sua wanem infomesen i nid tru, yu save kontactem mifala long: fair.communities@gmail.com

Raets blong yu:

Sipos yu wan man Europe, yu gat ol raets ia:

• Raet blong kasem infomesen

• Raet blong luk infomesen blong yu

• Raet blong stretim infomesen

• Raet blong tekemaot infomesen

• Raet blong blokem hao mifala i yusum data

• Raet blong tekem data blong yu i go

• Raet blong no agri

• Raet blong mekem disisen blong masin mo profiling

Sipos yu wantem yusum eni raet ia, yu save kontactem mifala long infomesen blong kontak daon.

Plis yu mas save tu se sipos yu wan man Europe, mifala i save prosesem data blong yu blong fulumap kontrak we mifala i gat wetem yu (olsem taem yu mekem oda long website), o blong mekem bisnis we mifala i gat intres long hem. Infomesen blong yu i save go aotsaed long Europe, i go long Canada o United States.

Links i go long narafala website:

Website blong mifala i save gat links i go long narafala website we i no blong mifala. Plis yu mas save se mifala i no responsibol long ol website ia o praevasi blong olgeta. Taem yu lego website blong mifala, yu mas ridim praevasi polisi blong olgeta website we yu go long hem.

Sefti blong infomesen:

Mifala i lukaot ol infomesen we yu givim long mifala long server we i sekiua mo kontrol gud. Mifala i yusum gudfala rul blong administreisen, teknikol mo fisikol sefti blong blokem ol man we oli no gat raet blong yusum, jenisim, o tekem infomesen blong yu. Be, mifala i no save promes 100% se data we i pas long Internet o wireless bae i sekiua fulwan.

Legal disklos:

Mifala bae i disklos infomesen blong yu sipos loa i talem, olsem sipos i gat subpoena o narafala legal proses. Mo bae mifala i mekem tu sipos mifala i ting se hem i impoten blong protektem raet blong mifala, sefti blong yu o sefti blong narafala man, blong luksave fraud, o blong ansa long wan rikwest blong gavman.

Kontak infomesen:

Sipos yu wantem save moa long polisi ia, o yu gat kwestin long ol raet blong yu mo ol infomesen blong yu, plis yu save raetem email i kam long: connect@faircommunities.org